Posted By : Admin | Oncologist
Mouth Cancer વિશે જાગૃતિ
મોઢાનું કેન્સર એ હોઠ, જીભ, ગાલ કે મોંના અન્ય ભાગોમાં કોષોની અનિયંત્રિત વૃદ્ધિથી થતો ગંભીર રોગ છે. તેના મુખ્ય કારણોમાં તમાકુ, ગુટકા, ધૂમ્રપાન અને વધુ પડતો દારૂ છે. વહેલી ઓળખ માટે મોઢામાં રૂઝાતા ન હોય તેવા ચાંદા, સફેદ કે લાલ ડાઘ અથવા ગાંઠ જેવા લક્ષણો પર ધ્યાન આપવું જરૂરી છે.
મોઢાનું કેન્સર (ઓરલ કેન્સર) એટલે શું?
- હોઠ, જીભ, પેઢાં, તાળવું કે ગાલની અંદરના ભાગમાં થતી જીવલેણ ગાંઠ.
- માથા અને ગળાના કેન્સરનો સૌથી સામાન્ય પ્રકાર.
- શરૂઆતના તબક્કે નિદાન થાય તો આ બીમારી સંપૂર્ણ સાધ્ય છે.
મુખ્ય કારણો અને જોખમી પરિબળો
- તમાકુ અને ગુટકા:માવા, ફાકી, કે બીડી-સિગારેટનું સેવન.
- દારૂનું સેવન:આલ્કોહોલની વધુ આદત જોખમ વધારે છે.
- પેપિલોમા વાયરસ (HPV):કેટલાક કિસ્સાઓમાં આ વાયરસનો ચેપ જવાબદાર છે.
- અન્ય કારણો:મોઢાની ખરાબ સફાઈ કે તીક્ષ્ણ દાંતથી સતત ઘસાતો ગાલ.
ચેતવણીરૂપ લક્ષણો (જેને ક્યારેય અવગણશો નહીં)
- મોં કે જીભ પર બે-ત્રણ અઠવાડિયાથી વધુ સમય સુધી રૂઝ ન આવતા ચાંદા અથવા અલ્સર.
- મોઢાની અંદર સફેદ કે લાલ રંગના કાયમી ડાઘ.
- મોં, ગાલ કે જડબાની આસપાસ સોજો કે ગાંઠ.
- ખોરાક ચાવતી કે ગળતી વખતે સતત દુખાવો અથવા તકલીફ.
- વગર કારણે કાનમાં સતત દુખાવો રહેવો.
નિદાન અને સારવારના વિકલ્પો
- શંકાસ્પદ જગ્યાની બાયોપ્સી (Biopsy) દ્વારા કેન્સરની ચોક્કસ ખાતરી કરાય છે.
- મુખ્ય સારવારમાં સર્જરી (ઓપરેશન), રેડિયોથેરાપી અને કીમોથેરાપીનો સમાવેશ થાય છે.
બચાવ અને જાગૃતિના ઉપાયો
- તમામ પ્રકારના તમાકુ અને ગુટકાથી સદંતર દૂર રહો.
- નિયમિત રીતે દાંત અને મોંનું ડાક્ટર પાસે પરીક્ષણ કરાવો.
- મોઢામાં કોઈપણ અસામાન્ય ફેરફાર જણાય તો વિલંબ કર્યા વિના તબીબી સલાહ લો.