આજના સમયમાં ઘણા લોકો દિવસના 7થી 9 કલાક અથવા તેનાથી પણ વધુ સમય કમ્પ્યુટર સામે બેસીને કામ કરે છે. લાંબા સમય સુધી એક જ સ્થિતિમાં બેસવાથી ગરદન, ખભા, પીઠ, કમર અને પગમાં જકડાશ તથા અસ્વસ્થતા અનુભવાઈ શકે છે. માત્ર થોડા મિનિટનું નિયમિત સ્ટ્રેચિંગ શરીરને હલનચલનમાં રાખવામાં મદદ કરી શકે છે.
1. Neck Stretch – ગરદનનું સ્ટ્રેચિંગ
ખુરશી પર સીધા બેસો. માથું ધીમેથી જમણી તરફ નમાવો અને 10–15 સેકન્ડ રાખો. ત્યારબાદ ડાબી તરફ કરો.
ફાયદો: ગરદનના સ્નાયુઓમાં થતી જકડાશ ઘટાડવામાં મદદરૂપ.
2. Shoulder Roll – ખભા ફેરવો
બંને ખભાને કાન તરફ ઊંચા કરો અને પછી પાછળ તથા નીચેની તરફ ગોળ ફેરવો. 8–10 વખત કરો.
3. Wrist Stretch – કાંડા માટે
એક હાથ આગળ સીધો રાખીને બીજા હાથથી આંગળીઓને હળવેથી પાછળની તરફ ખેંચો. બંને હાથ માટે 10–15 સેકન્ડ કરો.
4. Seated Spinal Twist
ખુરશી પર સીધા બેસીને શરીરના ઉપરના ભાગને ધીમેથી જમણી તરફ ફેરવો. પછી ડાબી તરફ કરો.
5. Chest Opener
બંને હાથ પાછળ લઈ જઈ શક્ય હોય તો આંગળીઓ જોડો અને ખભાને પાછળ ખેંચો. છાતીને હળવી રીતે ખોલો.
6. Seated Leg Extension
એક પગને આગળ સીધો કરો, થોડા સેકન્ડ રાખો અને પાછો નીચે મૂકો. બંને પગથી કરો.
7. Ankle Rotation
એક પગ થોડો ઊંચો કરીને પગના પંજાને ગોળ ફેરવો. બંને દિશામાં ફેરવો અને પછી બીજો પગ કરો.
5 મિનિટનો Office Stretch Break
દર 1–2 કલાકે 30–60 સેકન્ડનો નાનો movement break પણ ઉપયોગી બની શકે છે. સ્ટ્રેચિંગ કરતી વખતે દુખાવો થાય તો જોર ન કરવું.