ખૂબ જ જરૂરી છે. તે સ્નાયુઓ અને હાડકાંને સશક્ત બનાવે છે, મેટાબોલિઝમ સુધારે છે, અને માનસિક તણાવ ઘટાડે છે.
સ્ટ્રેન્થ ટ્રેનિંગ એટલે શું?
સ્ટ્રેન્થ ટ્રેનિંગ એટલે કે એવી કસરતો જેમાં શરીરના સ્નાયુઓ પર બહારથી કોઈ વજન કે પ્રતિકાર (Resistance) નાખવામાં આવે છે. આમાં ડમ્બેલ્સ, વેઇટ મશીન કે પોતાના જ શરીરના વજન (જેવા કે પુશ-અપ્સ અને પ્લેન્ક) નો ઉપયોગ થાય છે. આ કસરત માત્ર બોડીબિલ્ડિંગ કે મોટા બાવડાં બનાવવા માટે નથી, પરંતુ શરીરને આંતરિક રીતે મજબૂત કરવા માટે છે.
સ્ટ્રેન્થ ટ્રેનિંગ કેમ જરૂરી છે? (મુખ્ય ફાયદાઓ)
મજબૂત સ્નાયુઓ અને હાડકાં: ઉંમર વધવાની સાથે શરીરના સ્નાયુઓ અને હાડકાં નબળા પડવા લાગે છે. સ્ટ્રેન્થ ટ્રેનિંગ કરવાથી હાડકાની ઘનતા વધે છે અને ઓસ્ટીયોપોરોસીસ (હાડકાં પોલા થવાની બીમારી) નું જોખમ ઘટે છે.
મેટાબોલિઝમ સુધરે છે: આ કસરત કરવાથી શરીરનું મેટાબોલિઝમ ફાસ્ટ થાય છે. પરિણામે, આરામની અવસ્થામાં પણ શરીર વધુ કેલરી બર્ન કરે છે, જે વજન અને ચરબી નિયંત્રિત રાખવામાં મદદ કરે છે.
માનસિક સ્વાસ્થ્યમાં સુધારો: નિયમિત સ્ટ્રેન્થ ટ્રેનિંગ કરવાથી મગજમાં 'એન્ડોર્ફિન' જેવા ફીલ-ગુડ હોર્મોન્સ છૂટે છે. જેનાથી તણાવ, ચિંતા અને ડિપ્રેશન જેવી સમસ્યાઓ ઓછી થાય છે અને મૂડ સારો રહે છે.
રોગોનું જોખમ ઘટે છે: બ્લડ પ્રેશર કાબૂમાં રહે છે, ડાયાબિટીસનું જોખમ ઘટે છે અને હૃદયનું સ્વાસ્થ્ય સબળ બને છે.
દૈનિક કામોમાં સરળતા: મજબૂત શરીર હોવાને કારણે ઉઠક-બેઠક કરવી, ભારે વસ્તુઓ ઉપાડવી કે સીડી ચઢવી જેવા રોજિંદા કામોમાં થાક ઓતો લાગે છે અને ઈજાઓ થવાનું જોખમ ઘટે છે.
કોણે કરવું જોઈએ?
સ્ટ્રેન્થ ટ્રેનિંગ માત્ર યુવાનો કે પુરુષો પૂરતું સીમિત નથી. મહિલાઓ અને વડીલો પણ પોતાની ક્ષમતા મુજબ હળવા વ્યાયામ કે બોડી-વેઇટ એક્સરસાઇઝ દ્વારા સ્ટ્રેન્થ ટ્રેનિંગ શરૂ કરી શકે છે. શરૂઆતમાં નિષ્ણાતની દેખરેખ હેઠળ હળવા વજનથી શરૂઆત કરવી અને પછી ધીમે-ધીમે ક્ષમતા વધારવી હિતાવહ છે.